Ikipe izwi ku izina rya "She-polopolo " yatsinzwe ibitego bitanu ku busa (5-0), mu mukino utigeze uyorohera na gato.

Abagore ba Bruce Mwape bagowe n'amashoti y'umupira ya Nadeshiko yakubitaga ku ipoto ry'izamu rya Nagano, aho igitego kimwe cyari kwinjira ariko bikaza kwanga.

Abagore bo muri Zambiya bakomeje kwihagararaho  kugeza mu minota ya nyuma y'igice cya mbere cy'umukino, ariko bigeze ku munota wa 43, Abagore bo mu Buyapani binjiza igitego cya mbere.

Nubwo Zambiya yihagazeho mu gice cya mbere cy'umukino, Ubuyapani nk'ubufite inararibonyr mu mikino y'igikombe cy'isi ndetse bigaragara ko bwiteguye bihagije, bwanze korohera Zambiya.

Ku munota wa 55 w'umukino, Ubuyapani bwatsinze igitego cya kabiri, icya gatatu cyinjira mu izamu ku munota wa 62, icya kane nacyo kibona izamu ku munota wa 71, mugihe icya gatanu cyashyizeho akadomo cyinjiye ku munota wa   11 w'inyongera (90+11).

Ikipe y'umupira w'amaguru y'abagore bo muri Zambiya batsinzwe ibi bitego mugihe bitegura umukino wabo wa kabiri, aho bazahura n'ikipe y'abagore bo muri Espagne ku wa gatatu w'icyumweru gitaha.

Nimugihe Espagne nayo yamaze kwibikaho amanota atatu, nyuma yo gutsinda iya Costa Rica ibitego 3-0.

Ikipe ya Zambiya iri ku mwanya wa 4 mu itsinda C, inyuma y'Ubuyapani, Espagne, na Costa Rica.