Knowless yatangaje aho yakuye igitekerezo cyo kwandika indirimbo “uzitabe”

Iyi ndirimbo yasohotse ku ya 13 Werurwe (03) ndetse iri kuri YouTube kugeza ubu.

Asobanura inkomoko y’iyi ndirimbo, uyu muhanzikazi yabwiye The New Times ko "'Uzitabe' bifite icyo bivuze kuri njye. Byaturutse ku biganiro byerekeranye n'urubyiruko, cyane cyane bigaragaza uburyo abaharanira ubwisanzure bw'igihugu cyacu bari abantu bo muri generation yacu, ndetse bamwe bari bakiri bato. Bituma wibaza, ni iki cyabaho uyu munsi? "

Yongeraho ati: “Iyi ngingo yari imaze igihe ikwirakwira muri studio, ireba uburyo abantu bahugiye mu mibereho yabo, umuvuduko w’isi, ndetse n'ibindi. Twabajije niba hari impamvu ikomeye yatumye twe, urubyiruko, dushyira ku ruhande ibyo twirukaho kugirango turinde ibyiza byagezweho. Ni bangahe muri twe twahaguruka?”

Butera Knowless yavuze ko Producer Clement yatangije kwandika iyi ndirimbo ashingiye kubiganiro byabo.

Ati: “Ibiganiro byacu byagiye bihinduka, yakomeje kwandika amagambo atabizi. Amaherezo, yerekanye aho igeze, avuga ko iyi ndirimbo itanga ubutumwa bukomeye ku rubyiruko. Twakomeje kuyandika twizeye ko izagira ingaruka ku rubyiruko rwose, ku banyarwanda bose.”

“Twahawe iki gihugu igihe cyari hasi, kandi nk'Abanyarwanda, umutungo dufite w'agaciro ni igihugu cyacu. Bitabaye ibyo rero, twabura ibitekerezo cyangwa imizi. Igihugu ni umusingi wemerera ko habaho umuryango. "

Butera Knowless yashyize hanze iyi ndirimo mugihe abanyarwanda basubiza amaso inyuma mu myaka 30 ishize ndetse bakareba aho iterambere rigeze.

@Newtimes