Indege y'Uburusiya yaritwaye imfungwa z'abasilikari ba Ukraine yahanutse, bishinjwa Ukraine

Indege y'Uburusiya yo mu bwoko bwa II-76 yaritwaye imfungwa z'abasilikari bo mure Ukraine 65 bafashwe n'iki gihugu, yaguye igeze hafi y'umupaka uhuza ibi bihugu, muri Belgorod, nk'uko byatangajwe na Minisiteri y'ingabo y'Uburusiya. Viatcheslay Volodine; Perezida wa Douma russe, yashinje Ukraine kwica abasilikari bayo.

Iyi ndege isanzwe za Ii-76 za gisilikare zisanzwe zikorera imizigi niyo yaritwaye aba basilikari ba Ukraine.

Iyo ndege yarahiriye muri Belgorod, akarere gahana imbibi na Ukraine, ari naho abo basilikari 65 ba Ukraine bari bajyanye mu rwego rwo kubahererekanywa n'igihugu cyabo. Minisiteri y'ingqbo y'Uburusiya ivuga ko bapfiriye hamwe n'abandi bantu 6 bakora mu ndege kimwe n 'abandi 3 babafasha.

Yagize ati:" komisiyo y'ingabo zirwanira mu kirere yagiye aho indege yahlgiriye ikibazo cyateje ako kaga."

amashusho yakwirakwijwe ku mbuga nkoranyambaga agaragaza iyo ndege igwa nyuma yo guturika gukomeye, kwakurikiwe n'umwotsi w'umukara ndetse n'ibirimi by'umuriro.

Minisiteri y'Uburusiya yavuze ko nta kintu kigaragaza ko haba hari uwarokotse mu bari bayirimo.

Ubwo yabazwaga ikibazo kijyanye no kubyabaye kuri iyi ndege, umuvugizi w'ibiro bya perezida w'Uburusiya [Kremlin] ntacyo yigeze asubiza. Gusa yavuze ko nibagira icyo bamenya baza kugitangaza.

Icyakora Viatcheslay Volodine, Perezida wa Douma Russe, ntiyigeze ategereza, ahubwo yavuze ko guhanuka kw'iyi ndege yari itwaye imfungwa z'abasilikari ba Ukraine kuba ari Ukraine yabikoze.

ibi yabitangaje nyuma y'iminota mike cyane indege yari irimo izo mfungwa za gisilikari bari bagiye guhererekanwa hagati ya Leta ya Moscou n'iya Kiev, ihanutse.

Volodine yavuze ko " bishe mu ibaba abasilikari babo. Ababyeyi babo, abana babo bari babategereje. Bishe ababirote bacu bakoraga inshingabo z'ubutabazi [...] bakoresheje misile zo muri Amerika n'Ubudage."

Indege nyinshi z'Uburusiya zaraguye!

Kuva intambara yo muri Ukraine yatangira, indege z'Uburusiya zimaze guhanuka/ guhanurwa ni nyinshi, zirimo n'iza gisilikari.

Ukraine ubwayo iamze guhanura indege nyinshi z'Uburusiya.Mu cyumweru gishize, iki gihugu cyahanuyr indege y'ubutasi yo mu bwoko bwa A-50, ndetse itwika indi ndege ya II-22.

 Ixi kandi ziyongeraho indege yigenga yari itwaye umuyobozi mukuru wa Wagner, Evgueni Prigojine, yahanutse muri Kanama (08) 2023, igahitana we n'abandi bantu 10 bari kumwe, barimo abasilikari bakomeye b'uyu mutwe w'abacanshuro. 

Abategetsi b'Uburusiya bashinjwe kugira uruhare mu rupfu rwe, ariko bo barabihakana, buvuga ko ihanuka ry'indegw yari ibatwaye yatewe no kuba umwe mu bagenzi yari byatwaye grenade.